Auktoria: Christa Markom, Jelena Tosić, Magdalena Steger
Digitalni Queer čučipe si variacia katar o Digitalnikano lingano čučipe, kova so si ki relacia e ververipanca thaj bijekhipasa ano resipe thaj labaripe e digitalnikane tehnologiakoro. Na dikhel pe sade ane ververipa maškar e džuvlja thaj murša, numaj thaj ki sahni LGBTIQ+ khedin. Disave firme thaj organizacie zumaven pe te keren lačheder o resipe ko digitalnikano sundal vaše manuša katar LGBTIQ+ khedin thaj adalesa te tiknjaren o Digitalnikano queer čučipe. O online participiripe katar i LGBTIQ+ khedin isi les baro anglipe, numaj isi les thaj varesave pharipa.
Soske kerel pe lav?
I fundavni idea si te kerel pe digitalnikano panelikano than kolate e sikavne ka labaren pin suvja, notesia, fotosia, videa thaj av. I saikerin ka trubul te kreirinel pe dende arkasa katar i lista e pučipangiri thaj temengiri. Akaja lista kerdas o timo katar DigitClue thaj šaj te arakhen les ko durederutno teksto.
I praktika trubul te ovel kerdi premal akala phirda:
- Rodljarutni praktika e siklenge (Lista temengiri/pučipa)
- So si LGBTIQ+?
- So si Digitalnikano queer čučipe?
- Isi vaj na ani tumari diz organizacie save so keren buti e temasa LGBTIQ+ thaj/vaj Digitalnikano queer čučipe?
- Kola si e zakonikane čačipa e LGBTIQ+ khedinakere ani tumari phuv?
- Kote šaj te len dendi arka, te sien simalkerde e diskriminaciasa vašo tumaro preperipe ki LGBTIQ+ khedin?
- Kobor dur trubul te džan te šaj te len dendo dumo?
- Dizajnirinen o digitalnikano panelikano than dende dumesa katar aplikacia „Mural“
- Prezentirinen ano siklano than:
O digitalnikano panelikano than trubul te prezentirinen e siklenge ano siklano than. E definicie, notiripa, organizacie thaj av. trubul te vakeren lenge thaj keren diskusia. I res si te oven so pobare kreativnipasa thaj te keren tema savi ka ovel interaktivnikani. - Keren diskusia vase teme/pučipa e siklenca:
Palo sikavdipe e siklenge o, trubul te keren lav vašo digitalnikano panelikano than. So von gindinen adaleske? Savo gindipe/poza isi len? So ka postirinen ko panelo? So von akana džanena? - Buvljaren o panelo e ideenca/ mangipanca / resipanca e siklengere:
Keren buti ko panelo jekhethane e siklenca thaj den tumare idee/mangina thaj resipa ki akaja tema. Te si šajutno, o digitalnikano panelikano than trubul te ulaven thaj keren kompariripe.
Zumavkeren
Misal katar Digitalnikano queer čučipe dizajnirime e aplikaciasa Mural: https://app.mural.co/t/digitclue
Alternativa: Power Point
Vaker kolegoske
Palo so ka keren o parno panelo thaj ka buvljaren barabar e siklenca, ulaven tumari buti e kolegonca ko sahno sundal. Adale resake šaj te ulaven o digitalnikano panelikano than ki mapa e digitalnikane inkluziakoro savi so arakhel pe ki netvorkoskiri rigori DigitClue. D.I. I mapa si mapa e sundaleskiri savate sa e labarutne šaj te ulaven e proektia, materialia, idee thaj e komentaria vaši digitalnikani inkluzia ani peskiri phuv.
Gindipe dureder
Akana gindinen thaj kerden diskusia vašo Digitalnikano Queer čučipe katar tumari perspektiva, sar thaj e idee e siklengere. Akharas tumen akana te gindinen akale temake thaj te kheden panda dikhina ano Digitalnikano queer čučipe.
Ano koncepto e fokusoskoro katar e phureder preperutne ki LGBTIQ+ khedin. Adava si zorale phandlo e čučipasa ani digitalnikani era. So si e terneder generaciasa? Šaj te gindinen vaše disave rezonia soske e terne preperutne katar LGBTIQ+ khedin si ikalde katar o digitalnikano sundal?Kola šaj te oven e rezonia e ververipaske maškar e phureder thaj e terneder manuša? Isi tumen vaj na disavi idea sar adava čučipe šaj te ovel tiknjardo soldujenge?